Guuri koxomankanu e daşkimi, pupuli kelemankalu...
Him ndğa şuku, birapapeşkuni biyuci do, okkomadu guri dolomapinuşukkule, so pxer so bdgur vamişkun.Huy şukule, rakkanepeşkuni vameop3edaşa, zuğakkale vagamap3edaşa, ixxi elabartaşa gza va celapxedaşa, guri va mikorun.
Ar3oşkimi irrituli ikuy, berepe o33en, kattuği ikuy, dulyaşa ulun mulun, ar3oşkimi boyinne hemtepe nozmoy, rakkanepe gola33en, guri mçimape umçimay,letta şura matten ...
Mitişkala vamazitten, domazittukko ti, miii ti varoxvo33onay ma na mağodenpe.
Tişkimi tesella mebiçam; ar si oreyi mendra naon, hakku moygağoden deyi bisseiram.
Ama mutu çare vamaen, gomaen do gomaen...
Arkale oxorişkimi,arkale nagomaen yerepe...
Doma33onen çi, huy şukule hemtepeşa mendaftikko ti, hekonuri vatobiya...
Komişkun ama, hay bore, hakonuri ti vabore,
Tkvan gişkunani ma sonuri bore....
Corona Virüsüne Kedi Şifası
4 yıl önce